समाचार

काठमाडौँ -नेकपा माओवादी केन्द्रका अध्यक्ष पुष्पकमल दाहाल प्रचण्डले आगामी निर्वाचनबाट देशको नेतृत्व आफ्नो पार्टीले गर्ने बताएका छन्। पार्टी केन्द्रीय कार्यालय पेरिसडाँडामा शुक्रबार आयोजित कार्यक्रममा उनले निर्वाचनपछि माओवादीलाई देशको बागडोरको जिम्मा लिनबाट कसैले रोक्न नसक्ने दावी गरे । यो देशमा माओवादी पुनःस्थापित भएन भने, माओवादी पार्टी बलियो भएन भने संघीय लोकतान्त्रिक गणतन्त्र बलियो हुन प्रचण्डको तर्क छ । उनले नेकपा माओवादी पार्टीकै जोडबलमासंघीय संसदबाट नागरिकतासम्बन्धी विधेयक पारित हुन लागेको बताए ।

भारतको राष्ट्रपतिमा द्रौपदी मुर्मु निर्वाचित भएकी छन्। भारतीय जनता पार्टी भाजपामा आबद्ध रहेकी उनी विहिवार राष्ट्रपतिमा विजयी भएकी हुन् । विजयसँगै उनी देशको सर्वोच्च पदमा पुग्ने प्रथम आदिवासी नेतृ बनेकी छन्। यही १८ जुनमा राष्ट्रपति निर्वाचन भएको थियो। सत्तारुढ एनडीएको तर्फबाट उम्मेद्वार बनेकी मुर्मुलाई ४४ राजनीतिक दलहरूले समर्थन जनाएका थिए। विपक्षीका तर्फबाट उम्मेदवार बनेका यशवन्त सिन्हालाई ३४ दलको समर्थन थियो। ६४ वर्षीया मुर्मु पूर्वशिक्षिका हुन्। उनी झारखण्डकी पूर्वराज्यपालसमेत हुन्। भारतमा राष्ट्रपति चयन प्रक्रियामा संघीय संसद्का दुवै सदन र राज्य तथा केन्द्र प्रशासित क्षेत्रमा व्यवस्थापिका संसद्का सदस्यले मतदान गर्छन्। सन् १९५८ को जुन २० मा मयुरभञ्ज जिल्लाको बैदापोसी गाउँमा सन्थाल आदिवासी समुदायमा उनको जन्म भएको हो। मर्मुले उडिसाको राजधानी भुवनेश्वरस्थित रमादेवी महिला कलेजमा अध्ययन गरि

सैनामैना- रुपन्देहीको सैनामैना नगरपालिकामा ४ वर्षीया बालिकालाई बलात्कार गरेको आरोपमा एक जना पक्राउ परेका छन् । सैनामैना नगरपालिका २ सरौलीस्थित संगमचौककी बालिकामाथि बलात्कार गरेको आरोपमा स्थानिय ४९ वर्षिय खेमप्रसाद भुसाल पक्राउ परेका हुन् । उनी बालिकाका घरभेटी हुन् । बुधबार साढे ९ बजेतिर भुसालले बालिकालाई घुम्न जान भन्दै फकाएर लगेका थिए । कघर फर्केपछि बालिकाले पाठेघरमा दुखेको बताएपछि घटना बाहिर आएको हो । बालिकाको अवस्था सामान्य रहेको प्रहरीले जनाएको छ ।

तिलोत्तमा- रुपन्देहीको तिलोत्तमा नगरपालिकाको एक वडाध्यक्षलाई पौडी पोखरीमा धकेल्ने प्रहरीलाई कारवाही गर्न एमालेले माग गरेको छ । आइतबार तिलोत्तमाका नगरप्रमुख रामकृष्ण खाणले गणपुरक संख्या नपुगेको भन्दै नगर सभा स्थगित गरेका थिए । नगरसभा स्थगित गरेको विरोधमा एमालेले प्रदर्शन गरेको थियो । त्यस क्रममा इलाका प्रहरी कार्यालय बुटवलका प्रमुख डीएसपी ठगबहादुर केसीले वडा नंं ४ का वडाध्यक्ष हरिबहादुर क्षेत्रीलाई पौडी पोखरीमा धकेलेको भिडियो सामाजिक सञ्जालमा सार्वजनिक भएको थियो । उक्त घटनाको भर्त्सना गर्दै नेकपा एमाले रुपन्देहीले डीएसपी केसी र नगरपालिकाका प्रमुख प्रशासकीय अधिकृत जीवन ज्ञवालीलाई कारवाही गर्न प्रमुख जिल्ला अधिकारीसमक्ष माग गरेको छ । कारवाहीको माग गर्दै एमाले रुपन्देहीले आज जिल्ला प्रशासन कार्यालय पुगेका थिए । प्रमुख प्रशासकीय अधिकृत ज्ञवालीले कांग्रेसबाट निर्वाचित नगर प्रमुख रामकृष्ण

परासी - वर्षा नभएपछि पश्चिम नवलपरासीको सरावल गाउँपालिकाका किसानले जनप्रतिनिधिलाई बाँधेर मन्दिरमा पुर्‍याएका छन्। किसानले पानी पर्ने विश्वासमा स्थानीय जनप्रतिनिधिहरूलाई गाउँपालिकाको वडा नम्बर ३ मा रहेको शिव मन्दिरमा लगेर पूजा गरेका हुन्। गाउँपालिका उपाध्यक्ष बासमती चमारका अनुसार आइतबार दिउँसो १ बजेतिर गाउँपालिका अध्यक्ष सुखडी प्रसाद चौधरी, पूर्व सांसद राम लखन हरिजन, वडा नम्बर ४ का अध्यक्ष सुरेश यादव, प्रमुख प्रशासकीय अधिकृत कृष्ण प्रसाद ज्ञवालीलाई गाउँलेले सलजस्तो कपडाले बाँधेर मन्दिर पुर्‍याएका थिए। पहिले पहिले समयमा पानी नपर्दा गाउँका अगुवालाई बाँधेर मन्दिरमा लगेर पूजा गर्ने चलन त्यही परमपरा अनुसार अहिले पालिका जनप्रतिनिधिहरुलाई लगेको स्थानियले बताएका छन् ।

तिलोत्तमा/ तिलोत्तमा नगरपालिकामा नेकपा एमालेका जनप्रतिनिधिले प्रमुख प्रशासकीय अधिकृतको कार्यकक्षमा तालाबन्दी गरेका छन्। प्रमुख प्रशासकिय अधिकृत जीवन ज्ञवालीले आइतबारको नगरसभामा आफूहरुको हाजिर नगराएको भन्दै उपप्रमुख जागेश्वरीदेवी चौधरीको नेतृत्वका जनप्रतिनिधिले तालाबन्दी गरेका हुन् । आइतबार दिउसो बसकेको नगरसभाको बैठक गुणपुरक संख्या नपुगेको भन्दै नगरप्रमुख रामकृष्ण खाणले स्थगित गरेका थिए। एमालेबाट निर्वाचित ४२ जना नगरसभा सदस्यको हस्ताक्षर गराएपछि प्रमुख प्रशासकीय अधिकृतले अरु नगरसभा सदस्यको हस्ताक्षर नगराई गणपूरक संख्या नपुगेको देखाइएको चौधरीले बताइन् । बैठक स्थगित भएपछि एमालेका जनप्रतिनिधिहरुले नाराबाजी गरेका थिए । पछि नगरप्रमुखको कार्यकक्षमा तालाबन्दी गरेका हुन् । असार १० गते नगरसभामा आर्थिक वर्ष २०७९ /८० को बजेट प्रस्तुत भएपनि कांग्रेस र एमालेको विवादका कारण पारित हुन सकेको छैन ।

बुटवल - लुम्बिनी प्रदेशका केही नाम हेरफेर गरिएको छ। फेरिएर नयाँ नाम भएका मन्त्रालयहरुमा अर्थ तथा सहकारी मन्त्रालय, कृषि तथा भूमि व्यवस्था मन्त्रालय, शिक्षा तथा खेलकुद र स्वास्थ्य मन्त्रालय हुन्। यसअघि कानुन महिला तथा बालबालिका मन्त्रालयमा रहेको कानुन कार्य विभाजन अनुसार आन्तरिक मामिला तथा सञ्चार मन्त्रालयको जिम्मेवारीमा थप गरिएको छ। प्रदेश सरकार मन्त्रीपरिषद बैठकले मन्त्रालयका नाम हेरफेर गरेको हो । यस्तै बैठकले मन्त्रिपरिषद् बैठकबाट प्रदेश प्रशिक्षण प्रतिष्ठान (स्थापना तथा कार्य सञ्चालन) आदेश २०७८ खारेज गरिएको आन्तरिक मामिला तथा सञ्चारमन्त्री तथा प्रदेश सरकारका प्रवक्ता तिलकराम शर्माले जानकारी दिए। प्रवक्ता शर्माका अनुसार मुख्यमन्त्री तथा मन्त्रिपरिषद्को कार्यालयमा दुई जना हलुका सवारी चालकको अस्थायी दरबन्दी आ।व।२०७९।८० का लागी स्वीकृत गर्ने，प्रदेशमा विद्युतीय ऊर्जाको उत्पादन, प्रसा